Лесни летни јадења: појадок, ручек и десерт

Пеколна горештина е, брзате, и ви снема идеи што да подготвите за појадок, ручек и десерт?

Еве едно мени што можеби ќе ви се допадне - на залак ви оди вода на уста, а лесно е за подготовка.

За појадок: чинија со туна

• Туна во конзерва, исечена на парчиња
• Краставица
• Домат
• Непечени семки од сончоглед
• Парчиња леб

1. Ставете ја туната во чинија, исечете ги краставиците, доматите и лебот.
2. Додадете сè во чинијата.
3. Посипете со семки од сончоглед.

За ручек: чинија со ориз

• три лажици ориз (за две лица)
• 1 филе од стек
• половина тиквичка
• печурки
• доматен сос

Зачини:
сол, вегета, куркума, магданос, оригано, црн пипер

1. Исечете го стекот на коцки и ставете го во тава. Оставете го да се пржи околу 15 минути.
2. Додадете ги тиквичките и печурките.
3. Ставете го оризот во сад и исплакнете го добро.
4. Додадете го оризот во смесата.
5. Промешајте сè убаво и зачинете ја смесата.
6. Додадете го доматниот сос и оставете го да врие околу 15 минути, додека водата не испари и текстурата не стане кремаста.

За десерт: колач со јагоди

• 400 мл грчки јогурт
• 300 г мелени бисквити Плазма
• 300 г јагоди
• Шлаг

1. Исечете ги јагодите на ситни коцки и ставете ги во сад за мешање.
2. Додадете го грчкиот јогурт и мелените бисквити. Измешајте сè добро додека не добиете рамномерна текстура.
3. Префрлете ја смесата на чинија и обликувајте ја како што сакате.
4. Украсете ја со шлаг и цели јагоди одозгора.

Пријатно!