Печени компири со пршута и јајца

Компирите се секогаш одличен избор за пофин, а сепак едноставен ручек. Кога ќе се спојат со интересни состојки, се претвораат во јадење што делува како од ресторан со ѕвезда, а сепак подготовката воопшто не заморува.

Следува едноставна идеја по која целата куќа ќе мириса прекрасно, домашно. А за вкусот... Па, тоа ќе ви го оставам вие да го откриете!

Порции: 2

Време за подготовка: 10 минути

Вкупно време: 1 час

Состојки:

• 10 млади компири
• 1 кромид
• 1 зелена пиперка
• Маслиново масло
• 2 јајца
• 4 парчиња пршута (или повеќе, ако сакате)
• Зачини: сол, вегета, оригано, куркума

Подготовка:

1. Преполовете ги младите компири и ставете ги во тава за печење.
2. Исечкајте ги кромидот и зелената пиперка и додајте ги во тавата.
3. Прелијте со маслиново масло и додајте ги зачините.
4. Покријте со алуминиумска фолија.
5. Ставете во рерна на 180°C 50 минути.
6. По 50 минути откриете ја тавата и додајте ги јајцата и пршутата.
7. Оставете да се пече уште 10 минути.

Пријатно!