Рецепт за тортелини со три сирења - вкус за паметење!
Го пробав ова јадење во еден ресторан и сигурно си го запаметив вкусот. А кога нешто го паметите токму онакво какво што е, тоа значи дека навистина сте се поврзале со него. Зошто? Затоа што е извонредно!
Тортелините со три сирења се моето издвоено јадење што сакав да го повторам дома. Се сеќавам на кремастиот сос и на допирот од лук, па отидов во маркетот и ги купив следниве работи:
- 400 г тортелини со три сирења (за две лица)
- 250 мл павлака за готвење
- лук во прав
Како го подготвив:
Ги ставив тортелините во тенџере и ги доведов до вриење. Вреа околу 15 минути. Во меѓувреме, во една тава ставив павлака за готвење и додадов сол, лук во прав, оригано, магданос и кари. Ги мешав на шпорет околу 2 минути.
Ја исцедив водата од тортелините, ги додадов во кремастиот сос и измешав сè заедно.
Вкусот?
Истиот како од ресторанот!
