Едноставни летни чинии: појадок, ручек и десерт

Пеколна горештина е, брзате, а ви снемаа идеи што да подготвите за појадок, ручек и десерт?

Еве едно мени што можеби ќе ви се допадне — на устата ви оди вода, а лесно се подготвува.

За појадок: чинија со туна

Порции: 2

Време за подготовка: 5 минути

Вкупно време: 5 минути

Состојки:

• Туна во конзерва, во парчиња
• Краставица
• Домат
• Непечени семки од сончоглед
• Парчиња леб

Подготовка:

1. Ставете ја туната во чинијата, исечкајте ги краставиците, доматите и лебот.
2. Додајте сè во чинијата.
3. Посипете со семки од сончоглед.

За ручек: чинија со ориз

Порции: 2

Време за подготовка: 20 минути

Вкупно време: 60 минути

Состојки:

• три кутлачи ориз
• 1 филе од стек
• половина тиквичка
• печурки
• сос од домати

Зачини:
сол, вегета, куркума, магдонос, оригано, црн пипер

Подготовка:

1. Исечкајте го стекот на коцки и ставете го во тава. Оставете да се пржи околу 15 минути.
2. Додајте ги тиквичките и печурките.
3. Ставете го оризот во сад и исплакнете го добро.
4. Додајте го оризот во смесата.
5. Промешајте убаво сè и зачинете ја смесата.
6. Додајте го сосот од домати и оставете да врие околу 15 минути, додека водата не испари и текстурата не стане кремаста.

За десерт: колач со јагоди

Порции: 10

Време за подготовка: 5 минути

Вкупно време: 5 минути

Состојки:

• 400 мл грчки јогурт
• 300 г мелени плазма кекси
• 300 г јагоди
• Шлаг

Подготовка:

1. Исечкајте ги јагодите на ситни коцки и ставете ги во сад за мешање.
2. Додајте го грчкиот јогурт и мелените кекси. Промешајте сè добро додека не добиете рамномерна текстура.
3. Префрлете ја смесата на чинија и обликувајте ја како сакате.
4. Украсете со шлаг и цели јагоди одозгора.

Пријатно!