Тортиљи со пилешки стек
Ова е едно од моите омилени јадења, особено кога го правам по трчање и кога умирам од глад. Овој оброк веднаш ме исполнува и со енергија и со уживање. Не е некоја филозофија да се направи, а уште поважно е тоа што е преинаку вкусно.
Состојки: (за 2 лица)
- 1 пилешко филе / пилешки стек
- 1 морков, 2 тортиљи (овој пат користев интегрални тортиљи)
- Доматен сос
- Масло
- Зачини: сол, вегета, црн пипер, кари, оригано, магданос
- 2 листа марула
- Грчки јогурт
Подготовка:
Земете го пилешкиот стек. Ако бил во замрзнувач, извадете го околу 30 минути пред готвење за да се одмрзне и полесно да се исече на коцки.
Откако ќе го исечете на коцки, прелијте со масло и ставете го во тава да се пржи. По околу 10 минути додадете ги зачините. Потоа додадете го доматниот сос и оставете го да крчка околу 15 минути.
Кога месото е готово, ставете го врз тортиљите. Можете да додадете и марула и грчки јогурт. Ја обожавам оваа комбинација. Можете или да ги завиткате тортиљите или да ги јадете со вилушка од чинија.
Пријатно!
